সিলেটী ঈদের গান

সিলেটী ঈদের গান

নাজমুল ইসলাম মকবুল

 

ঈদ আইছে গাইল ছিয়াদি জলদি কুটো গুড়ি
হান্দেশ পিঠা খাইতা হখলে খাইতা পুয়া পুড়ি।।

খুরছইনদিয়া নাইকল কুরছি শাওই আর পব বানাও
বেলি দিয়া লুয়াড়ির মাঝে গুলা ছাড়ি তেল টানাও
ফুলি ফুলি হান্দেশ উঠবো কইছইন কুটনি বুড়ি।।

মজা লাগে নুনগরা আর নুনরডোবা ছইপিঠা
খুলাদিয়া গরম করি খাইয়া অইবা ভিটভিটা
ঈদরলাগি নয়া কাপড় কিনবায় শাড়ি চুড়ি।।

আটি বাড়ির গাউর হক্কল আইবা গুইলচা বান্দি
হউর বাড়ী গিয়া কেউ কেউ করবা নান্দি বিন্দি
হখলে মিলি মজা করবা বয়স অইলেও হাতকুঁড়ি।।



মন্তব্য চালু নেই