হিদলফুটকীর ভর্তা

নাজমুল ইসলাম মকবুল

ও তুমি হুইনছোনি হিদলফুটকীর ভর্তা করছোনি
হিদলফুটকীর ঘরান পাইলে জিফরার মাঝে আয় পানি।।

ফুকনা মরিছ খুলাত ভাজিয়া ধনি পাতা পিষিয়া দিয়া
ফুরু মাছ পুড়িয়া দিয়া খাইয়া দেখিয়ো মজানি।।

ঘরান অইবো নাগা দিয়ো খাঠল বিছি ভাজিয়া দিয়ো
রসুন পুড়িয়া ছেছিয়া দিয়ো পাটা পুতাইল আছেনি।।

হিদলফুটকীর ভর্তা অইলে হখল থাকি মজা মিলে
গরু খসি থইয়া খাইবা জলদি করি করছোনি।।